მას შემდეგ, რაც ტომ ფელტონმა ჯადოქრები და მაგლები ერთნაირად ააღელვა გოლფის თამაშისას გონების მოულოდნელი დაკარგვით, ისევ თავადვე დაგვამშვიდა ყველა, რომ ახლა თავს უკეთ გრძნობს.

ჰარი პოტერის ფილმების სერიის ვარსკვლავმა ინსტაგრამის პირად ანგარიშზე ვიდეომიმართვა გაავრცელა, რომელშიც ფანებს მადლობა გადაუხადა მხარდაჭერისთვის და თავისი ჯანმრთელობის შესახებ ინფორმაციაც გაუზიარა.

"მინდოდა, ყველასთვის დიდი მადლობა გადამეხადა თქვენი ძვირფასი სურვილებისთვის. ცოტათი საშიში შემთხვევა იყო, გულწრფელად რომ ვთქვა, მაგრამ ჩემზე შესაბამისად იზრუნეს და მალე კარგად ვიქნები, რადგან უკვე გამოჯანმრთელების პროცესში ვარ", — ამბობს ტომ ფელტონი ვიდეოში.

ის, რომ მის სიტყვას ნამდვილად შეგვიძლია ვენდოთ, ისიც მოწმობს, რომ გიტარით ხელში უმღერა კიდეც გულშემატკივრებს.

ჰარი პოტერის ფილმების სერიაში დრაკო მალფოის როლის შემსრულებელი, ტომ ფელტონი ვისკონსინის შტატში 23 სექტემბერს გამართულ გოლფის მატჩზე შეუძლოდ გახდა, გონება დაკარგა და მისი კლინიკაში გადაყვანა გახდა აუცილებელი.

თუ რამ გამოიწვია ეს შემთხვევა, დღემდე ოფიციალურად არაფერი თქმულა.

ტომ ფელტონს რამდენიმე დღის წინ, 22 სექტემბერს, 34 წელი შეუსრულდა.