ვიდეო, რომელიც ერთი შეხედვით კომპიუტერულ სიმულაციას ჰგავს, სინამდვილეში მაღალი ხარისხის კამერით გადაღებული ბიოლოგიური პროცესია, რომელშიც ჩანს, როგორ ყალიბდება ბაყაყის კვერცხში უჯრედები. თავიდან 4 უჯრედი ჩანს, რომელიც შემდეგ მილიონობით უჯრედად იყოფა.

პროცესი დოკუმენტალისტმა ფრენსის ჩიმ გადაიღო. პროცესი, რომელიც 23 წამში ჩანს სინამდვილეში 33 საათის განმავლობაში მიმდინარეობდა.

ჩიმ მეორე ვიდეოც გადაიღო, სადაც ჩანს როგორ ყალიბდება თავკომბალას ემბრიონი.

ეს ვიდეოც კომპიუტერულ გრაფიკას მოგაგონებთ, მაგრამ აქაც რეალური პროცესია ასახული.