Victoria's Secret-ის ყოფილმა მოდელმა თავის გამოცდილებაზე საუბრისას განაცხადა, რომ წონის შესანარჩუნებლად წარსულში დიდ რისკზე წავიდა და არ სურს, რომ სხვამაც იგივე გაიმეოროს.

ერინ ჰეზერტონი, რომელიც ბრენდისთვის 2010-2013 წლებში მუშაობდა, ამბობს, რომ კომპანიის მხრიდან სილამაზის სტანდარტებისა და პერფექციონიზმის მოთხოვნების გამო დიდ ზეწოლას განიცდიდა და სამსახურის დაკარგვის მუდამ ეშინოდა.

ფოტო: Getty Images

ერინი იხსენებს, რომ მან "ანგელოზების დიეტოლოგს" მიმართა, რომელმაც ჯანმრთელობის შესახებ რჩევების მიცემის ნაცვლად, ამფეტამინის მსგავსი მადის დამაქვეითებელი საშუალება გამოუწერა.

"მან დიეტური აბები მომცა, რომლებზეც მოგვიანებით ჩემმა ფსიქოთერაპევტმა მითხრა, რომ რეალურად ნარკოტიკები უფრო იყო. არც კი ვიცოდი, რომ საკუთარი თავის მოწამვლა ჰორმონ HCG-ით (ეს ჰორმონი ქალის სხეულში ორსულობისას გამოიყოფა) დავიწყე", — ამბობს მოდელი. ერინი იმ ემოციურ მდგომარეობას იხსენებს, რომელიც აბების მიღების პერიოდში ჰქონდა. ის გრძნობდა, რომ რაღაც "არასწორს" აკეთებდა და რეალურად ეს არ სურდა, თუმცა აბების მიღებას მაინც აგრძელებდა.

ფოტო: Getty Image

ერინი აღნიშნავს, რომ ამ ფაქტს თვალი უკვე გაუსწორა და თავს ამჟამად უკეთ გრძნობს. ახლა ცდილობს, სხვებს დაეხმაროს, რათა კვებითი აშლილობა არ ჩამოიყალიბონ ან თავიანთი სხეულები არ შესძულდეთ.

"მე ზუსტად ვიცი, ეს როგორი გრძნობაა და ასე ღიად იმათთვის ვლაპარაკობ, ვინც შეიძლება მომისმინოს, ჩემმა მაგალითმა დააფიქროს და საკუთარი თავის მიმართ დამოკიდებულება შეიცვალოს", — დასძინა ყოფილმა მოდელმა.

ასევე იხილეთ: