ნატოს მტკიცე მხარდაჭერის მისიისა და შეერთებული შტატების სამხედრო ძალების ხელმძღვანელმა ჯონ ნიკოლსონმა საქართველოსა და საქართველოს შეიარაღებულ ძალებს დამოუკიდებლობის დღე მიულოცა. მან თავისი მოსალოცი სიტყვა ქართული მისალმებით დაიწყო:

"მე გენერალი ჯონ ნიკოლსონი, ნატოს მტკიცე მხარდაჭერის მისიისა და შეერთებული შტატების სამხედრო ძალების ხელმძღვანელი, კოალიციური ძალების სახელით, ქართველ ხალხს და საქართველოს შეიარაღებულ ძალებს ვულოცავ დამოუკიდებლობის დღეს. 1918 წელს დამოუკიდებლობის მიღების დღიდან, საქართველო დიდ როლს თამაშობს როგორც მსოფლიო სტრატეგიული რეგიონი. მოგესალმებით და გილოცავთ ამ დღეს. უკანასკნელი 20 წლის განმავლობაში, საქართველო იყო აშშ-ს სტრატეგიული პარტნიორი კოსოვოს, ერაყისა და ავღანეთის სამშვიდობო ოპერაციებში. ის ემსახურება ჩვენს საერთო მიზანს, უზრუნველვყოთ საერთაშორისო მშვიდობა და სტაბილურობა. ჩვენ, ამერიკელები, ვამაყობთ ქართველებთან მეგობრობით".

ამერიკელი გენერლის თქმით, მისთვის დიდი პატივია ავღანეთში ქართველი ჯარისკაცების მეთაურობა. გენერლის განცხადებით, ავღანეთში მისიის დაწყების დღიდან, ქართველები მისიას ყველაზე უფრო ცხელ წერტილებში ასრულებდნენ:

ნატოს, შეერთებულ შტატებსა და საქართველოს აკავშირებთ ინტენსიური პარტნიორობა, რომელიც კიდევ უფრო ძლიერდება

გენერალი ჯონ ნიკოლსონი

"ავღანეთში სამხედრო კონტინგეტის მხრივ, საქართველო კოალიციურ ძალებს შორის, ერთ-ერთი ყველაზე დიდი კონტრიბუტორია. მთელი ამ პერიოდის განმავლობაში, ქართველი სამხედროები სამშვიდობო მისიას მაღალი პროფესიონალიზმითა და თავდადებით ასრულებდნენ. მინდა მადლობა გადავუხადო და თანადგომა გამოვხატო 31 დაღუპული სამხედროს ოჯახის წევრებისა და ახლობლების, ასევე, მისიებში დაშავებული სამხედროების მიმართ. ქართველების თავდადება, დისციპლინა და პროფესიონალიზმი, საყოველთაოდ არის აღიარებული. ჩვენ ვამაყობთ ქართველებთან მსახურებით. ნატოს, შეერთებულ შტატებსა და საქართველოს აკავშირებთ ინტენსიური პარტნიორობა, რომელიც კიდევ უფრო ძლიერდება".

გენერალ ჯონ ნიკოლსონის მილოცვის შმედეგ, თავისუფლების მოედანზე დასრულდა წვევამდელთა ფიცის დადების ცერემონია, რომელშიც საქართევლოს პარტნიორი ქვეყნების სამხედროებიც მონაწილეობდნენ.