ახალი გამოკითხვის მიხედვით, The Wire (მოსმენა) 21–ე საუკუნის საუკეთესო სერიალად დასახელდა. კრიტიკოსთა მიერ აღიარებულმა დრამამ პირველი ადგილი დაიკავა BBC-ს ახალ სიაში, რომელიც ბოლო 21 წლის საუკეთესო შოუების შეფასების საფუძველზე შეიქმნა.

"ჩვენ ვიმედოვნებთ, რომ შედეგებით ისევე შთაგონებული და აღფრთოვანებულები ხართ, როგორც ჩვენ. ეს შედეგები მხოლოდ სატელევიზიო სამყაროს წარმატებაზე არ მეტყველებს, არამედ თანამედროვე ეპოქის შეხედულებებსაც ცხადყოფს", — ვკითხულობთ BBC-ის განცხადებაში.

"მოხარული ვარ, რომ შოუ აქტუალობას დღემდე არ კარგავს. ჩვენ არ გვაინტერესებდა სერიალის პერსონაჟები კარგები იყვნენ თუ ცუდები. მწერლებს თავში მხოლოდ ერთი იდეა გვქონდა: თუ საზოგადოებას სამართალდამცავი ორგანო ჰყავს, როგორ მუშაობს ეს ინსტიტუტი? ან რას აკეთებს პოლიცია"? — ამბობს სერიალის შემქმნელი, დეივიდ სიმონი, გამარჯვების საპასუხოდ.

"თუ თქვენ ასეთ სცენარს დაწერთ, ის აქტუალობას მანამ არ დაკარგავს, სანამ მასში აღწერილი სისტემები მუშაობას განაგრძობენ", — დასძინა მან.

სიის საუკეთესო ათეული ასე გამოიყურება:

  1. The Wire (მოსმენა)
  2. Mad Men (შეშლილები)
  3. Breaking Bad (მძიმე დანაშაული)
  4. Fleabag (ფლიბეგი)
  5. Game of Thrones (სამეფო კარის თამაშები)
  6. I May Destroy You (შემიძლია, გაგანადგურო)
  7. The Leftovers (მიტოვებულები)
  8. The Americans (ამერიკელები)
  9. The Office (ოფისი)
  10. Succession (მემკვიდრეობა)

BBC-ის სრული სიის ნახვა ამ ბმულზე შეგიძლიათ.

აღსანიშნავია, რომ სულ ცოტა ხნის წინ, 6 სექტემბერს, The Wire-ის ერთ-ერთი მსახიობი — მაიკლ უილიამსი 54 წლის ასაკში საკუთარ სახლში გარდაცვლილი იპოვეს. ამ ფაქტს დეივიდ სიმონმა თავის Twitter-ზე საჯარო პოსტი მიუძღვნა.

"მოკლედ მოვიგონებ ნიჭიერ ადამიანს, შეუდარებელ თანამშრომელსა და ნამდვილ მეგობარს. ვიმედოვნებ, რომ არასდროს დაიკარგება ის მიზანი, რომლისთვისაც მაიკლი იბრძოდა. მისი საქმე დიდებასა და ჯილდოს არ ისახავდა მიზნად, არამედ ეს იმის მცდელობა იყო, რომ ადამიანები უკეთესები გავეხადეთ", — ვკითხულობთ სიმონის პოსტში.