ევროპაში აშშ-ის სამხედრო ძალების ყოფილი ხელმძღვანელის, ბენ ჰოჯესის განცხადებით, დემოკრატიულ ქვეყანაში ლიდერებს მართლმსაჯულების სისტემის არ უნდა ეშინოდეთ.

"დემოკრატიულ ქვეყანაში ლიდერებს არ უნდა ეშინოდეთ თავისუფალი მედიის, არ უნდა ეშინოდეთ მართლმსაჯულების სისტემის, რომელიც გამჭვირვალეა. მნიშვნელოვანია, რომ მთავრობა ენდობოდეს ქართველ ხალხს და რა თქმა უნდა, დემოკრატიული პროცესები უნდა განხორციელდეს ძალიან აქტიურად", — აცხადებს ის ფორმულას ეთერში [ფორმულას თარგმანი].

ჰოჯესის თქმით, მნიშვნელოვანია, რომ როგორც ქართულმა ოცნებამ, ისე ოპოზიციამ, დემოკრატიული პროცესების განვითარებისთვის აქტიურად იმუშავონ

"როდესაც ეს არ ხდება, ადამიანებს ნდობა უქრებათ მთავრობის მიმართ. ქართველი ხალხი დაიღალა, ჩემი აზრით, ასეთი საბჭოთა დროინდელი სუპრესიით და სწორედ ამიტომ, ჩემი აზრით, ოპოზიცია, ასევე, სხვებიც, ქართული ოცნების წევრები ვინც არიან, ძალიან მნიშვნელოვანია, რომ დემოკრატიული პროცესების განვითარებისთვის აქტიურად იმუშავონ. მე ძალადობის მომხრე ნამდვილად არ ვარ, მინდა ეს მოგახსენოთ, მაგრამ პოლიტიკური პროცესების თვალსაზრისით და მედიის თვალსაზრისით ძალიან დიდი ზეწოლაა დღესდღეობით", — ამბობს ის.

გაიგე მეტი: