"ძალიან დიდია მოთხოვნა ქართულ ჯარში სამსახურზე, რაც ბუნებრივია ყველას იმედით გავსებს, რომ ჩვენი ქვეყანა საიმედო ხელშია" - ამის შესახებ თავდაცვის მინისტრმა, თინა ხიდაშელმა განაცხადა, რომელიც თბილისში, რუსთაველი გამზირზე დამოუკიდებლობის დღისადმი მიძღვნილ ღონისძიებას ესწრება.

ხიდაშელის განმარტებით, როდესაც ასეთი ახალგაზრდები მიდიან ჯარში, ნიშნავს, რომ ყველაფერი წესრიგშია, ქვეყანა სწორად ვითარდება, ადამიანებს სწორი ორიენტირები აქვთ და საბოლოო ჯამში, ეს იმის იმედს იძლევა, რომ საქართველო გამარჯვებული გამოვა ამ ბრძოლიდან.

დღეს, 26 მაისს, საქართველო დამოკიდებლობის 25-ე წლისთავს აღნიშნავს.