პრემიერმინისტრი ირაკლი ღარიბაშვილი აცხადებს, რომ რუსეთთან საზღვრის დელიმიტაცია-დემარკაცია დასამთავრებელი გვაქვს, თუმცა ეს მხოლოდ ერთიანი საქართველოს ფარგლებში მოხდება. ასე გამოეხმაურა ის კრემლის მოწოდებას, საქართველოს მიერ ოკუპირებულ აფხაზეთთან და ცხინვალთან ე.წ. საზღვრის დელიმიტაციის შესახებ.

"ჩვენს სახელმწიფოს რუსეთის ფედერაციასთან საზღვრების დელიმიტაცია-დემარკაცია გვაქვს დასამთავრებელი და ეს, რა თქმა უნდა, მოხდება ერთიანი საქართველოს საზღვრების ფარგლებში", — განაცხადა ირაკლი ღარიბაშვილმა.

  • რუსეთი ბევრ რამეს აცხადებს, შევძლებთ, ხელი შევუშალოთ არაკანონიერ ქმედებაში — კუჭავა კრემლის მოწოდებაზე

ჟენევის საერთაშორისო მოლაპარაკებების 54-ე რაუნდის შემდეგ, რუსეთმა თბილისს მის მიერ ოკუპირებულ აფხაზეთთან და ცხინვალთან ე.წ. საზღვრის დელიმიტაცია-დემარკაციისკენ მოუწოდა. კრემლი ამას რეგიონში უსაფრთხოების გაძლიერების მიზნით ხსნის.

გაიგე მეტი: