ბელგიის ქალაქ ანტვერპენში, ხალხით გადატვირთულ ადგილზე, მანქანით შევარდნის მცდელობის ბრალდებით, ერთი პირი დააკავეს. ამის შესახებ BBC იტყობინება.

პოლიციის ცნობით, ავტომობილს ფრანგული ნომერი ჰქონდა და სავაჭრო ობიექტებით დატვირთული ქუჩისაკენ მაღალი სიჩქარით მიემართებოდა.

ჯერჯერობით დაშავებულების შესახებ ინფორმაცია არ ვრცელდება.

შემთხვევა ლონდონის ტერორისტული აქტიდან მეორე დღეს მოხდა. 22 მარტს, ლონდონის ცენტრში, ავტომობილი ქვეითად მოსიარულეებს დაეჯახა, რის შედეგადაც 4 ადამიანი დაიღუპა და 40-მდე დაშავდა. ტერაქტზე პასუხიმგებლობა ე.წ. ისლამურმა სახელმწიფომ აიღო.