"საქართველო, გილოცავ დამოუკიდებლობის დღეს! ღმერთმა დაგლოცოთ და მიხარია, რომ თქვენთან ვარ" - ასე მიულოცა საქართველოში ჩამოსულმა ბრიტანელმა მომღერალმა, Robbie Williams-მა საქართველოს დღევანდელი დღე და განმარტა, რომ ხშირად უფიქრია, თუ რა ხდება საქართველოში, როგორი ხალხი ცხოვრობს, როგორი საჭმელი და არქიტექტურაა აქ და ზოგადად, როგორია ქართველი მსმენელი:

"ამი გასარკვევად უკეთესი გზა იყო აქ ჩამოსვლა. გამიგია, რომ დამყოლი, ემოციური და საინტერესო საზოგადოება ხართ. ერთი სული მაქვს, მივიღო თქვენი სიყვარული, ამას ძალიან ველოდები! როგორც ვიცი, ასეთი მასშტაბური კონცერტი ჯერ აქ არ ჩატარებულა. ამიტომ გთხოვთ, იყავით კეთილგანწყობილები ჩემს მიმართ, რადგან შეშინებული ვარ და თქვენი სიყვარული მჭირდება".

რობი უილიამსის კონცერტი დინამო არენაზე ხვალ საღამოს გაიმართება. მომღერალი საქართველოში პროექტ Check in Georgia-ს ფარგლებში ჩამოვიდა.