მარიამ კაპანაძის ანიმაციური ფილმი მიტოვებული სოფელი უკვე მსოფლიომ გაიცნო. ანიმაცია 3 კონტინენტსა და 15-ზე მეტ ქვეყანაშია ნაჩვენები. ცოტა ხნის წინ კი ნამუშევარმა კანადაში, ოტავას საერთაშორისო ანიმაციური ფილმების ფესტივალზე საუკეთესო დიზაინის ნომინაციაში გაიმარჯვა. მიტოვებული სოფლის მხატვარი ირაკლი ტოკლიკიშვილია.

ფოტო: OIAF

ოტავას საერთაშორისო ანიმაციური ფესტივალი (OlAF) ჩრდილოეთ ამერიკის უძველესი და ყველაზე მასშტაბური ანიმაციური ფილმების ფესტივალია, რომელიც 1975 წელს დაარსდა.

მიტოვებული სოფელი მარიამ კაპანაძის სადებიუტო ანიმაციური ფილმია, რომელიც კინოსტუდია კვალი XXI-ის, საქართველოს ეროვნული კინოცენტრისა და ქართული ფილმი — აფხაზეთის მხარდაჭერით შეიქმნა. ანიმაციური ფილმის პროდიუსერი მარიამ კანდელაკია.

მიტოვებული სოფლის პრემიერა 2020 წელს იაპონიაში, ჰოკაიდოს ანიმაციური ფილმების საერთაშორისო ფესტივალზე შედგა. ანიმაციურმა ფილმმა მაყურებლის განსაკუთრებული სიყვარული დაიმსახურა და იაპონიის საგარეო საქმეთა სამინისტროს ჯილდო და სიგელიც მიიღო. მიტოვებული სოფელი იაპონიაში ტოკიოსა და ნაგანოს ხელოვნების მუზემშიც აჩვენეს, სადაც ის 24 000-ზე მეტმა ადამიანმა ნახა.

ანიმაციურმა ფილმი საფრანგეთშიც საკმაოდ წარმატებული აღმოჩნდა. მიტოვებული სოფლის ფრანგული პრემიერა ანესის ფესტივალზე საკონკურსო პროგრამაში მონაწილეობით შედგა. გამორჩეულია პარიზის ანიმაციური ფილმების ფესტივალზე მონაწილეობაც, სადაც ნამუშევარმა მაყურებლისა და ჟიურის პრიზები.

მიტოვებული სოფელი ჩეხეთში, ლიბერეცში გამართული ანიმაციური ფილმების საერთაშორისო ფესტივალის, ANIFILM-ის ერთ-ერთი გამარჯვებულიცაა. ანიმაციურმა ფილმმა ჯილდო არანარატიული და აბსტრაქტული ფილმების კატეგორიაში მოიპოვა. მიტოვებულმა სოფელმა ბულგარეთში World Festival of Animated Film-ის კრიტიკოსები ჯილდოც დაიმსახურა.

მიტოვებული სოფელი უახლოეს მომავალში კვლავ კანადაში, ამჯერად ქალაქ მონრეალში დაბრუნდება.

ამავე თემაზე: