რა მოხდება, სექსისტურ გამონათქვამებში გენდერული როლები რომ შევცვალოთ

ყოფით სიტუაციებში, იქნება ეს სამსახურში, ოჯახში, მეგობრებთან ან უბრალოდ ნაცნობებთან გამართული საუბრები, თუნდაც სულ ოდნავ დაკვირვებულ ყურსა და თვალს თითქმის ყოველთვის შეუძლია, მარტივად ამოიცნოს ის სოციალური განწყობები, რომლებიც ამა თუ იმ საკითხზე ადამიანების დიდი ნაწილის ლამის "ურყევ ჭეშმარიტებად" ქცეულ სტერეოტიპულ შეხედულებებს ააშკარავებს.

ასე მაგალითად, ჩვენ ყოველთვის შეგვიძლია მოვიწონოთ თავი, რომ "გვყავდა თამარ მეფე", "ქართლის დედის ძეგლი გვიდგას" და "სუფრაზე დედის სადღეგრძელოებს ვსვამთ", რაც თითქოს ქართულ პრაქტიკაში ქალების მიმართ უთანასწორო მოპყრობის შემთხვევებს გამორიცხავს, თუმცა რეალობა დაცლილია ხოლმე მსგავსი პათოსისგან და თუ სიმართლისთვის თვალის გასასწორებლად მზად ვართ, კონკრეტული ადამიანების გამოცდილების გაზიარებაც კი დაგვეხმარება, დავინახოთ, თუ როგორ გრძელდება საუკუნოვანი მავნე პატრიარქალური ტრადიცია და დღესაც კი როგორ აზიანებს უთანასწორო, უსამართლო და მჩაგვრელი გარემო ქალებს.

რაც უნდა უცნაურად ჟღერდეს, ამ მასშტაბური პრობლემის სერიოზულობის აღსაქმელად იუმორიც კი შეიძლება დაგვეხმაროს. მაგალითად, ცოტა ხნის წინ ქართულ ინტერნეტსივრცეში გამოჩნდა ფეისბუქგვერდი, სახელწოდებით კეთილშობილ ვაჟთა ინსტიტუტი, რომელიც განზრახ ცვლის გენდერულ როლებს მოარულ სექსისტურ გამონათქვამებში.

ერთი შეხედვით, ამ ფრაზებისთვის თვალის შევლება სახალისოა, თუმცა არ უნდა დაგვავიწყდეს, რომ ქალების სრულ უმრავლესობას ლამის მთელი სიცოცხლის განმავლობაში რეალურად უწევს მსგავს დამოკიდებულებებთან გამკლავება.

1. ცოლი რომ სამსახურიდან დაღლილი დაბრუნდება, შენი პრობლემები დამატებით თავს არ უნდა მოახვიო. პირიქით, უნდა დაამშვიდო და მოადუნო ის

ფოტო: კეთილშობილ ვაჟთა ინსტიტუტი / Facebook

2. მამა-კაცი!

3. რადგან ისინი არაამქვეყნიური ქმნილებები არიან

4. კაცი კარის საკეტია, რომელიც ყველა გასაღებს არ უნდა მოერგოს!

5. ბევრი ლაპარაკი რა საჭიროა, კაცს მორცხვი დუმილი შვენის

6. და რა ეცვა იმ კაცს, როცა მასზე იძალადეს?

7. არც განათლება სჭირდება, მთავარია, სახლის საქმეები იცოდეს

8. ამიტომაც ქმარი აუცილებლად კარგი მზარეული უნდა იყოს

9. მის სადღეგრძელოს რომ დალევენ, მხოლოდ მაშინ უნდა გამოვიდეს სამზარეულოდან ფქვილიანი ხელებით

10. ოჯახში მთავარი ვინცაა

11. ის, რაც ყველა კაცის სანუკვარი ოცნებაა

12. თუმცა ამ ოცნებას გაფრთხილება სჭირდება

ასევე იხილეთ:

ბოლო ამბები:

გირჩევთ