პარტია დროას თავმჯდომარე, ელენე ხოშტარია აჭარის მთავრობის თავმჯდომარის, თორნიკე რიჟვაძის განცხადებას ეხმაურება, რომლის მიხედვითაც, ბათუმში პალმის ფორმის ხელოვნური კუნძული აშენდება. ხოშტარია ამბობს, რომ მსგავსი განცხადებებით არსებული პრობლემების გადაფარვას ცდილობენ.

"რა პალმა? რა მოიგონა? რა პალმაზეა ლაპარაკი, ხიდი ვერ დაუგიათ. ხიდი კი არა, წარმოუდგენელია — 80 ადამიანი გვიკვდებოდა დღეში და ახლაც, დაბლა მივდივართ ბუნებრივად, მაგრამ, კატასტროფა მოგვივიდა, ხალხო, დავკარგეთ უამრავი ხალხი, ვერაფერი ვერ გააკეთეს და ჰგონია, რომ პალმას რომ იტყვის, პალმის ფორმის კუნძულს — რა კუნძული? ხალხი შიმშილით კვდება", — განაცხადა ელენე ხოშტარიამ ფორმულას ეთერში.

თორნიკე რიჟვაძის თქმით, ბათუმში პალმის ფორმის ხელოვნური კუნძულის აშენებისთვის რამდენიმე ასული მილიონი დოლარის ინვესტიცია განხორციელდება.