Pfizer და Biontech ჩატარებული კვლევის შედეგებზე დაყრდნობით, აცხადებენ, რომ კორონავირუსის საწინააღმდეგო ვაქცინა 5-დან 11 წლამდე ასაკის ბავშვებში უსაფრთხო და ეფექტურია.

"ბოლო 9 თვის განმავლობაში, მთელი მსოფლიოს მასშტაბით, ასობით მილიონი 12 წლის ზემოთ ასაკის ადამიანი აცრილია Covid-19-ის საწინააღმდეგო ვაქცინით. ჩვენი სურვილია, რომ მარეგულირებლის ნებართვით, ვაქცინის საშუალებით ახალგაზრდა პოპულაციის დაცვა გავაფართოვოთ, განსაკუთრებით მაშინ, როდესაც დელტა ვარიანტის გავრცელებასა და იმ არსებით საფრთხეს ვადევნებთ თვალყურს, რასაც ის ბავშვებს უქმნის", — აცხადებს ფაიზერის აღმასრულებელი დირექტორი, ალბერტ ბურლა.

ვაქცინის მწარმოებელი კომპანიის განცხადებით, ამ ასაკობრივი კატეგორიის ვაქცინაციისთვის საჭირო ნებართვის მისაღებად ისინი FDA-სა და სხვა მარეგულირებელ ორგანოებისთვის მიმართვასა და მათთვის აღნიშნული კვლევის შედეგების გადაცემას აპირებენ.

საქართველოში 4 სხვადასხვა ვაქცინა, ფაიზერი, სინოფარმი, სინოვაკი და ასტრაზენეკა არის შემოტანილი. ვაქცინაცია შეუძლია ყველა მსურველს, 16 წელს ზევით. ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

იხილეთ იმ დაწესებულებების ჩამონათვალი, სადაც შესაძლებელია ვაქცინაცია. სია პერიოდულად ახლდება და ადგილები ემატება.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.

გაიგეთ მეტი: როგორ უნდა მიხვიდეთ ასაცრელად, როცა საზოგადოებრივი ტრანსპორტი შეზღუდულია — მარშრუტები