წლევანდელ Met Gala-ს დასამახსოვრებელი კოსტიუმების, მომენტებისა და, რაც მთავარია, მიმების გარეშე არ ჩაუვლია. თამამად შეგვიძლია ვთქვათ, რომ თითოეულ შემთხვევაში საღამოს ნამდვილი ვარსკვლავი კიმ კარდაშიანი აღმოჩნდა, რომელიც ღონისძიებაზე დემნა გვასალიასთან ერთად მივიდა. თავით-ფეხამდე ბალენსიაგას შავ სამოსში გამოწყობილ კიმს, რომელსაც სახესაც ნიღაბი უფარავდა, საზოგადოების ყურადღება ნამდვილად არ მოკლებია.

საღამოს ერთ-ერთი ვირუსული ფოტო, რომელშიც გაოგნებული კენდალ ჯენერი შავ სამოსში დამალულ დას შეჰყურებს, უამრავი მიმის წყარო გახდა.

მიმებმა კიმ კარდაშიანამდეც მიაღწია, ამიტომ ვარსკვლავმა გადაწყვიტა, ფოტოს ისტორია ჩვენთვის ინსტაგრამ სთორიში მოეყოლა.

"კენდალი მეძახდა და ვერ ვხედავდი, ვინ იყო, მაგრამ მისი ბრჭყვიალა კაბის სილუეტი დავინახე", — წერს კიმი.

რა თქმა უნდა, გვჯერა, რომ აღნიშნულ კოსტიუმში მთელი საღამოს გატარება მარტივი ნამდვილად არ იქნებოდა, თუმცა მიმებით ნამდვილად კარგად ვიხალისეთ!

"კიმ, მაგ ნიღბიდან მხედავ მაინც?

რა თქმა უნდა!"

ამავე თემაზე: