ქართული ოცნების დეპუტატის, დავით კაჭარავას განცხადებით, ჩანაწერები, რომელიც 2014 წლის შემდეგ არის გაკეთებული ნაციონალური მოძრაობის ხელწერაა.

"ამ ყველაფერს სჭირდება გამოკვლევა, დადასტურება, ავთენტური არის თუ არა ეს მასალები. როგორც ვატყობ, როგორც წინა ჩანაწერების გამოქვეყნება იყო, ეს არის რაღაც შეთხზული, დამონტაჟებული 1500-ჯერ მიწეპებული ერთმანეთს და შემდეგ გამოტანილი იმისთვის, რომ ხალხში გამოიწვიონ აჟიოტაჟი, უნდობლობა და ა.შ. ეს ვისი ხელწერაც არის ძალიან კარგად ვიცით, ვინც აკეთებდა ამ ჩანაწერებს, ისიც ვიცით, ვინც იღებდა ვიდეომასალებს, თქვენ არ გაქვთ ნანახი? 9 წლის წინ რომ მთავრობა იყო, ის", — აცხადებს კაჭარავა.

13 სექტემბერს ცნობილი გახდა, რომ ერთ-ერთი ღია წყაროზე სასულიერო პირებთან დაკავშირებით მასალები აიტვირთა. უცნობია, ვინ გაავრცელა ფაილები და ასევე, არ არის დადასტურებული მათი ავთენტურობა. თუმცა რამდენიმე პოლიტიკოსმა და ჟურნალისტმა, მათ შორის On.ge-ს ყოფილმა რედაქტორმა განაცხადეს, რომ ჩანაწერებში საკუთარი საუბრები ამოიცნეს.

ატვირთულია Word-ის ასობით ფაილი და იმ შემთხვევაში, თუ ისინი ავთენტურია, ჩანს, რომ შესაბამისი სამსახურები სწავლობენ სასულიერო პირების საჯარო და პირად კავშირებს, უსმენენ სატელეფონო საუბრებს და აგროვებენ კომპრომატებს პირადი ცხოვრების შესახებაც, მათ შორის, საუბარია ჰომოსექსუალურ კავშირებზე. ფაილებს შორის არის ინფორმაცია რუსული კონტაქტების, ასევე, კონკრეტული პოლიტიკური პარტიების მიმართ დამოკიდებულების შესახებ.

გაიგე მეტი: