პრემიერმინისტრი ირაკლი ღარიბაშვილი 2001 წლის 11 სექტემბერს ტერორისტული ორგანიზაცია ალ-ქაიდას მიერ ნიუ-იორკში, მსოფლიო სავაჭრო ცენტრის ტყუპ ცათამბჯენებზე განხორციელებულ ტერაქტს ეხმაურება. ის აცხადებს, რომ ტერორიზმთან ბრძოლაში აშშ-სა და სხვა მოკავშირეების გვერდით დგას.

"დღეს 11 სექტემბრის ტერორისტული აქტების 20 წლისთავი აღინიშნება. ეს თარიღი ცხადად გვახსენებს, რომ ტერორიზმს არასოდეს არ უნდა გავამარჯვებინოთ.

საქართველო შეერთებული შტატების და სხვა მოკავშირეების გვერდით დგას მშვიდობისა და უსაფრთხოების დასაცავად, რათა მსოფლიო უკეთეს და მეტად უსაფრთხო ადგილად იქცეს ამ სამყაროში", — წერს ღარიბაშვილი ტვიტერის ოფიციალურ გვერდზე.

2001 წლის 11 სექტემბერს ალ ქაიდას ტერორისტებმა United Airlines-ის ორი გატაცებული თვითმფრინავი დილით, სამუშაო დღის დაწყებისას ნიუ-იორკის ორ ცათამბჯენს დააჯახა. შედეგად, 2 996 ადამიანი დაიღუპა, მათგან 2 606 სავაჭრო ცენტრში და მის მიმდებარედ იყო.

გაიგე მეტი: