დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ახალი შტამი განსაკუთრებულად ერჩის ორსულ ქალებს და მნიშვნელოვანია, ყველა ორსული აიცრას ფაიზერის ორი დოზით, რადგან ეს 25-ჯერ ამცირებს მათი დაინფიცირების შესაძლებლობას.

"ახლა 20-დან 25 ათასამდე ორსულია ერთდროულად ქვეყანაში დღეს. ყველა მათგანი მივიდეს და აიცრას ფაიზერით და ორსულობის პერიოდში გაიკეთონ 2 აცრა ფაიზერით. ეს, თითქმის 25-ჯერ, მეტჯერ, შეამცირებს რისკს მათი დაინფიცირების და ძალიან უფრო მაღლა, დაახლოებით, ორი ასეულით შეამცირებს გართულებების და გარდაცვალების რისკს. სამწუხაროდ, ეს შტამი ძალიან ერჩის ორსულ ქალბატონებს და ორსულ ორგანიზმს", — განაცხადა გამყრელიძემ.

წაიკითხეთ ასევე:

საქართველოში 4 სხვადასხვა ვაქცინა, ფაიზერი, სინოფარმი, სინოვაკი და ასტრაზენეკა არის შემოტანილი. ვაქცინაცია შეუძლია ყველა მსურველს, 16 წელს ზევით. ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.


გაიგეთ მეტი: