ექსპრემიერი და თბილისის მერობის კანდიდატი, გიორგი გახარია ყოფილ თანაგუნდელებს აკრიტიკებს და აცხადებს, რომ ისინი ძალაუფლების ჟინით არიან შეპყრობილები. ეს გახარიამ იქამდე თქვა, სანამ თავს თბილისის მერობის კანდიდატად წარადგენდა.

"ბევრი ჩვენგანი [პარტია საქართველოსთვის წევრები] წლების წინ გავერთიანდით ქართული ოცნების ირგვლივ და ეს არ იყო ორგანიზაცია ქართული ოცნება. ეს იყო ფასეულობებზე დაფუძნებული ერთობა. ეს იყო ოცნება უკეთეს, წარმატებულ საქართველოზე. ეს იყო ოცნება სამართლიან, კეთილსინდისიერ გარემოზე.

სამწუხაროდ, დღეს ორგანიზაცია ქართული ოცნების ხელმძრვანელებს უკვე დაავიწყდათ ეს იდეალები და ეს ფასეულობები. ეს ხალხი დღეს ძალაუფლების ჟინით შეპყრობილი სულ უფრო და უფრო ცდილობს დაგვაბრუნოს წარსულში და ჩვენთვის არ აქვს მნიშვნელობა ორგანიზაცია ქართული ოცნება თავისი უსუსურობით ხელს შეუწყობს ნაციონალური მოძრაობის ხელისფლებაში დაბრუნებას თუ ზუსტად იგივე მეთოდებით გაუსწორდება საქართველოს მოქალაქეებს", — განაცხადა გიორგი გახარიამ.

მისი თქმით, ქვეყნისთვის სახიფათოა ქართულ ოცნებასა და ნაციონალურ მოძრაობასთან მარტო, პირისპირ დარჩენა. გახარია ამბობს, რომ ეს იქნება არჩევანის შეზღუდვა მოქალაქეებისთვის.

გაიგე მეტი: