იუსტიციის უმაღლესი საბჭოს ყოფილმა არამოსამართლე წევრმა, ნაზი ჯანეზაშვილმა ორგანიზაცია საქართველოს სასამართლოს გუშაგი (Georgian Court Watch) დააფუძნა.

"სულ მალე ვიწყებთ ორი ახალი პროექტის განხორციელებას. დეტალებზე ჯერ არ ვისაუბრებ, მაგრამ ორივე მათგანი საკმაოდ საინტერესო და ინოვაციურია. ვიწყებ მჭიდრო თანამშრომლობას ევროპაში სასამართლო სფეროში ერთ-ერთ წარმატებულ ორგანიზაციასთან, რომლებიც მათ უნიკალურ გამოცდილებას მიზიარებენ. ასევე, ვთანამშრომლობ აშშ-ში ერთ-ერთ ძალიან გამოცდილ და წარმატებულ ორგანიზაციასთან , რომლებიც ინდივიდუალურად მეხმარებიან ფანდრაიზინგის მიმართულებით", — წერს ჯანეზაშვილი ფეისბუქგვერდზე.

მისივე თქმით, ახლა საორგანიზაციო საკითხების მოგვარების ეტაპზეა და დეტალებზე მოგვიანებით სხვა ფორმატში ისაუბრებს.

იუსტიციის საბჭოში მოღვაწეობის პერიოდში ჯანეზაშვილი აქტიურად აკრიტიკებდა სასამართლო სისტემას და ე.წ. კლანის არსებობაზე საუბრობდა. ის მიუთითებდა შესაძლო ნეპოტიზმსა და დარღვევებზეც.