შრომის ინსპექციამ ბოლო 72 საათში კოვიდრეგულაციების დარღვევისთვის 5 ობიექტი დალუქა, ხოლო 6 დააჯარიმა. დაჯარიმებულთაგან 5 იურიდიული და 1 ფიზიკური პირია.

"ერთ ობიექტთან მიმართებით შრომის ინსპექციამ პრევენციული დალუქვის მექანიზმი გამოიყენა. კერძოდ, ბარი ღონისძიების გამართვამდე, დაგეგმილი გასართობი აქტივობის შესახებ ინფორმაციის მიღებისთანავე დალუქა", — აცხადებენ ისინი.

შრომის ინსპექციის განცხადებით, მთელი ქვეყნის მასშტაბით გამოვლენილ დარღვევებს შორის სოციალური და ფართომასშტაბიანი გასართობი ღონისძიებები ჭარბობს.