ქართული ოცნების დეპუტატი, ირაკლი ზარქუა აცხადებს, რომ ის, რაც მასში კარგია, წალენჯიხის დამსახურებაა. ამის შესახებ მან მუნიციპალიტეტის მერობის კანდიდატის წარდგენისას განაცხადა.

"აქაური ვარ, აქედან მოვდივარ, ფესვი აქედან მაქვს და ის, რაც კარგია ჩემში, სწორედ წალენჯიხის და თქვენი დამსახურებაა, ამიტომ დიდი მადლობა ამისთვის", — თქვა ზარქუამ.

მისივე განცხადებით, მიუხედავად იმისა, რომ ამ მუნიციპალიტეტის მაჟორიტარი არაა, წალენჯიხის გულშემატკივრობაში "არცერთ მაჟორიტარზე ნაკლები არ არის", რადგან ამ ქალაქის შესახებ ხშირად საუბრობს.

"ძალიან დიდი გულშემატკივარია ბატონი პრემიერი წალენჯიხის და მეც, მოგეხსენებათ, არ ვარ მაჟორიტარი წალენჯიხის, მაგრამ, მემგონი, არცერთ მაჟორიტარზე ნაკლები არ ვარ — ორი წინადადებიდან ერთი უეჭველი წალენჯიხას უკავშირდება", — აღნიშნა მან.

ქართულმა ოცნებამ დღეს, 25 აგვისტოს წალენჯიხაში მერობის კანდიდატად გოგა გულორდავა დაასახელა.