დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ჟანგბადის მოთხოვნა ქვეყანაში იზრდება და ყველა საავადმყოფო მაღალი დაძაბულობის პიკზე მუშაობს. ამის შესახებ მან საკოორდინაციო საბჭოს სხდომაზე ისაუბრა.

"გიდასტურებთ, რომ დიდი მოხმარებაა ჟანგბადის ქვეყანაში, შემთხვევათა რიცხვი დიდია. დღეს არის 58 ათასი აქტიური შემთხვევა, აქედან 7 400-მდე გახლავთ სტაციონარებში. რა თქმა უნდა, ჟანგბადზე მოთხოვნილება იზრდება და საკმაოდ მაღალ დაძაბულობის პიკზე მუშაობს ყველა საავადმყოფო", — განაცხადა მან.

თუმცა მისი თქმით, ჯერჯერობით, ჟანგბადის ნაკლებობა არ არის, რადგან რამდენიმე საავადმყოფოს ჟანგბადის წარმოების ქარხანა აქვს, ასევე, რამდენიმე დიდი საწარმოა ქვეყანაში და ხდება ჟანგბადის იმპორტიც. ამიტომ გამყრელიძის განცხადებით, დღეს ყველას ვისაც ჟანგბადი სჭირედბა, მიეწოდება.