ლეკვმა, რომელსაც ცხვირი და თათი არ აქვს, მზრუნველი პატრონი იპოვა

ეს საბრალო ლეკვი, სახელად ბონი, რუმინეთში მატარებლის ლიანდაგის მიმდებარედ იპოვეს. ბონის წინა თათი და დრუნჩი არ აქვს. ვეტერინარების აზრით, ბონის დაზიანება მატარებელმა მიაყენა ან უარესი — ეს უწყინარი არსება სასტიკი ადამიანის ხელში აღმოჩნდა.

მიუხედავად რთული ჭრილობებისა, ბონიმ გადარჩენისთვის იბრძოლა და გამოჯანმრთელდა. ამის შემდეგ ის დიდ ბრიტანეთში აღმოჩნდა, სადაც მყუდრო სახლი და მზრუნველი პატრონი — ქეითი იპოვა.

თავდაპირველად ქეითი და მისი ქმარი ბონის პროთეზის ფეხისთვის ფულს აგროვებდნენ, თუმცა ცუგას ჭრილობისთვის ის შეუსაბამო აღმოჩნდა. ბონის ფეხის გაკეთებისას ჭრილობა მუდმივად ეხსნებოდა, ამიტომ ვეტერინარის რჩევით, ქეითმა პროთეზის ფეხზე უარი თქვა.

პატრონმა ბონის მტკივნეულ პლასტიკურ ოპერაციაზეც განაცხადა უარი. ქეითის აზრით, ძაღლისთვის ტკივილის მიყენება მხოლოდ იმიტომ, რომ ის "ნორმალურად" გამოიყურებოდეს, არ იქნებოდა სწორი. ქეითს ბონი ისეთი უყვარს, როგორიც არის.

ბონის ჭრილობები უკვე მოუშუშდა და ცხოვრებისგან მაქსიმალური სიამოვნების მიღებაში ხელს არაფერი უშლის. ბონი სხვა ძაღლებთან ერთად ერთად დახტის, დაკუნტრუშებს და, რაც მთავარია, ახალ ოჯახში ძალიან ბედნიერია.

ბოლო ამბები:

გირჩევთ