საბერძნეთმა ავღანელი მიგრანტების მოსალოდნელი ზრდის გამო თურქეთთან საზღვარის გაძლიერება დაიწყო და 40-კილომეტრიანი ბარიერი აღმართა. ინფორმაციას ამის შესახებ BBC ავრცელებს.

"შესაძლო შედეგს პასიურად ვერ დაველოდებით. ჩვენი საზღვრები ურღვევი დარჩება", — განაცხადა საბერძნეთის მოქალაქეთა დაცვის მინისტრმა.

მანამდე თურქეთის პრეზიდენტმა, რეჯეფ თაიფ ერდოღანმა ისაუბრა იმაზე, რომ თურქეთი ევროპის "მიგრანტების საცავი" არ გახდებოდა და ევროპულ ქვეყნებს მოუწოდა, ავღანეთიდან წამოსულ მიგრანტებზე პასუხისმგებლობა აეღოთ.

ავღანეთიდან აშშ-ის ძალების გასვლის შემდეგ, თალიბანმა მალევე შეძლო და ქაბულიც აიღო – პრეზიდენტი გაიქცა, თალიბებმა ძალაუფლება მოიპოვეს. მათ ხელისუფლების ყველა წარმომადგენლისათვის საყოველთაო "ამნისტია გამოაცხადეს" და მთავრობაში ქალები მიიწვიეს. მათი მტკიცებით, ხალხს შეუძლია, დაუბრუნდეს თავის რუტინულ ყოველდღიურობას, თუმცა ამის ფონზე, დევნიან ქუჩაში დამოუკიდებლობის დღის აღსანიშნავად გამოსულ მოქალაქეებს, ქალებს, რომლის ჩაცმის სტილიც არ მოსწონთ, ჟურნალისტებს. ბოლო დღებში თალიბებმა ათამდე მოკლეს და არაერთი დაჭრეს, მათ შორის, ისინი, ვინც ქვეყნიდან გაქცევას ცდილობდნენ.

გაიგეთ მეტი: