ავღანეთს საქართველოს ყველა მოქალაქე ტოვებს. აღნიშნულზე ინფორმაციას On.ge-ს საგარეო საქმეთა სამინისტროში უდასტურებენ.

უწყების ინფორმაციით, ქაბულში 16 ქართველი იყო დარჩენილი, დღეს დილით კი ისინი სამხედრო ბაზაზე გადაიყვანეს და ბრიტანეთის მიერ უზრუნველყოფილი რეისით მიდიან დუბაის მიმართულებით.

ქაბული 17 აგვისტოს საქართველოს 6-მა მოქალაქემ დატოვა, ასევე, მედიაში ვრცელდება ინფორმაცია, რომ 19 აგვისტოს წამოვიდა კიდევ საქართველოს ორი მოქალაქე. ეს ის ადამიანები არიან, ვინც დაუკავშირდნენ საქართველოს საგარეო საქმეთა სამინისტროს და დახმარება ითხოვეს, უცნობია ავღანეთში იმყოფებიან თუ არა ამ დრომდე საქართველოს სხვა მოქალაქეები.

საგარეო საქმეთა სამინისტროში 15 აგვისტოს განაცხადეს, რომ ავღანეთში კერძო კონტრაქტორად მყოფი საქართველოს მოქალაქეები დახმარების თხოვნით დაუკავშირდნენ.