ქაბულის აეროპორტი გაიხსნა. ინფორმაციას ამის შესახებ პენტაგონზე დაყრდნობით Aljazeera და BBC ავრცელებენ. მათი ინფორმაციით, ქაბულში ამერიკიდან სპეციალური რეისი ჩაფრინდება, რომლის ბორტზეც საზღვაო ქვეითები იქნებიან.

პენტაგონის გენერალ ჰენკ ტეილორის განცხადებით, ახლა, როცა აეროდრომი ღიაა, აშშ-ის მისიაა, შეინარჩუნოს ეს მოცემულობა, რათა გაგრძელდეს და დაჩქარდეს ფრენები, როგორც ავღანეთში, ისე ავღანეთიდან.

მისივე თქმით, აშშ-სა და მის მოკავშირეებს ავღანეთიდან გამოჰყავთ ამერიკის მოქალაქეები, მათთან მომუშავე ავღანელები და "დაუცველი ავღანელები", რომლებიც შესაძლოა, რისკის ქვეშ აღმოჩნდნენ ახლა, როცა ქაბულს თალიბანი აკონტროლებს.

რამდენიმე საათის წინ ცნობილი გახდა, რომ ქაბულის აეროპორტი თალიბანმა დაიკავა. ამის შემდეგ ავღანეთის საავიაციო უწყებამ განაცხადა, რომ ქვეყნის საჰაერო სივრცე "შეიარაღებულებს გადაეცა" და კომერციულ ავიაკომპანიებს ურჩია, ფრენები გადაეტანათ.

გაიგე მეტი ქაბულში მიმდინარე მოვლენების შესახებ: