გაიცანით ირლანდიელი მოგზაური, რომელიც ნებისმიერ ცხოველს უმეგობრდება (ფოტოები)

სამეგობროში თუ არა, სანაცნობოში მაინც, ალბათ ყველას გვყავს ისეთი ვინმე, ვინც "ცხოველების მესაიდუმლედ" ითვლება — შეხვედრიდან მალევე ნებისმიერ ცხოველსა თუ ფრინველს ადვილად უმეგობრდება. სწორედ ასეთი ვინმეა ირლანდიელი ალან დიქსონი, რომელიც მსოფლიოში მოგზაურობს და გაკრეჭილ ფოტოებს იღებს ქუოკებთან, აქლემებთან, ზღვის ლომებთან და ნებისმიერ ვინმესთან თუ რამესთან, რასაც ღიმილი შეუძლია.

ფოტოების შეგროვება დიქსონმა 2015 წელს დაიწყო და ახლა უკვე ღიმილიანი სამყაროს მდიდარი კოლექცია აქვს. სურათებს ინტერნეტში ალბათ არაერთხელ გადაწყდომიხართ და გიფიქრიათ, რომ ასეთის გადაღება რთული სულაც არ უნდა იყოს, თუმცა, ალანის თქმით, "სრულყოფილი სელფისათვის ხუთი წუთიდან სამ საათამდე დროც კი შეიძლება დასჭირდეს".

ამიტომ, მოდით, გავიცნოთ ალანი და მისი მეგობრები, რომლებიც გვარწმუნებენ, რამდენი რამ აქვთ ადამიანებსა და სხვა ცხოველებს საერთო: ღიმილი, სახის გამომეტყველება, მხიარულების სიყვარული და სხვა.

1. ქუოკა რომ მსოფლიოში ყველაზე ბედნიერი ცხოველია, ეს უკვე გეცოდინებათ, ამიტომ, სულაც არაა გასაკვირი, ფოტოებში რომ ასე გულღიად იღიმიან

2. ლემურისთვის უთქვამთ, რომ მასთან გადაღებულმა ფოტომ მხოლოდ 10 ლაიქი მოაგროვა...

3. ეს ბეკეკა, სახელად ნაიჯელი, ქუინსლენდის ფრინველების პარკის მისაღებში დაბორიალობს ხოლმე, მას სტუმრების გამხიარულება ევალება

4. ეს ოთხი თვის მარტია, რომელსაც ავარიაში დაშავების შემდეგ ალბათ ბევრგან ევთანაზიას დაუპირებდნენ, თუმცა, ტაილანდში მას რეაბილიტაციაში ეხმარებიან

5. წვეტებით კი ცოტა უჭირს სხვებთან ურთიერთობა, მაგრამ ცხოვრება მაინც მშვენიერია

6. როგორც იქნა, ოჯახურ ფოტოს არავინ აფუჭებს, მაგრამ ალანი მაინც გამოერია

7. სულაც არაა მძიმე, ღუნღულა და ბედნიერი ბუშტია

8. ჯუნგლის პირველი კანონი: შეინიღბე!

ხორთუმს რას მოუხერხებ, თორემ ტალახში ამოგანგვლას რა უჭირს.

9. ცურვა სულაც არაა რთული სასწავლი, თუკი კარგი ინსტრუქტორი გყავს

10. ალან, უკეთესი ტელეფონი გჭირდება, რომლის კამერაშიც რქები მთლიანად ჩაეტევა

11. ეს ხომ ელემენტარულია, ბაჭია!

12. თვალის ჩაკვრის მასტერკლასი ბეკეკასგან

13. "შენც ფიქრობ, რომ ბოლო აღარ უნდა დამელია, ალან, ხო?"

14. ცხოვრებაში მთავარია სტილისტში გაგიმართლოს

15. ეს კიდევ ერთი ღუნღულა ბუშტი ტყის ხანძრებს გადაურჩა

16. "ყოველთვის მეუბნებოდნენ, მარჯვენა პროფილი უფრო ფოტოგენური გაქვსო"

17. "ალან, მოდი, ვითომ ტიტანიკზე ვართ"

18. "ერთი ამ თავში ჩამახედა, წადი, სამსახური იშოვე, რა გეპოზიორება"

19. "თათი ასწიეთ, ვისაც ამ ფოტოებში ძაღლის არყოფნა გაგიხარდათ"

20. "ორივე თათი ასწიეთ, ვისაც ამ ფოტოებში რაღაც კრუტუნა ცხოველის ყოფნა გაგიტყდათ"

21. "ფიტნესი ჩემი ცხოვრებაა"

22. დაბოლოს — ვინ თქვა, რქაეულები (aka "უნიკორნები") არ არსებობენო?!

ბოლო ამბები:

გირჩევთ

ღიმილიანი სამყარო უკეთესია — გაიცანით ირლანდიელი მოგზაური, რომელიც ნებისმიერ ცხოველს უმეგობრდება