მ. იაშვილის სახელობის ბავშვთა ცენტრალური საავადმყოფოს სამედიცინო დირექტორი, ივანე ჩხაიძე აცხადებს, რომ კორონავირუსის ე.წ. დელტა შტამის მიმდინარეობა ორგანიზმში უფრო მძიმეა, შესაბამისად, უფრო მეტად განაპირობებს სიკვდილს, ვიდრე ე.წ. ბრიტანული ვარიანტი.

"დელტა ვარიანი 85%-ით უფრო მეტად იწვევს საავადმყოფოში დაწვენის აუცილებლობას, ვიდრე კორონავირუსის ალფა, ე.წ. ბრიტანული მუტაცია [...] ლეტალობის მიხედვით, კორონავირუსის დელტა მუტაცია 137%-ით უფრო მეტად განაპირობებს [სიკვდილს], ვიდრე ბრიტანული ვარიანტი. ეს ორი მახასიათებელი — უფრო მეტად მძიმე მიმდინარეობა და უფრო მეტად ლეტალობა, არის სწორედ ის, რაც აისახა საქართველოს რეალობაშიც [...]

ვაქცინაცია არის ერთადერთი გზა, რამაც შეიძლება ქვეყანაში შეაჩეროს პანდემიის ასეთი სწრაფი გავრცელება", — განაცხადა ივანე ჩხაიძემ რუსთავი 2-ის ეთერში.

5 აგვისტოს, დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ, პაატა იმნაძემ განაცხადა, რომ ქვეყნის მასშტაბით დაფიქსირებული შემთხვევების დაახლოებით 80% დელტა შტამია. მისივე ინფორმაციით, თბილისსა და ბათუმში, ანუ ქალაქებში, სადაც, ჩვეულებრივ, ყველაზე მაღალია ინფიცირების მაჩვენებლები, თითქმის 100%-ით დელტა შტამი ფიქსირდება.

გაიგე მეტი: