New York Times კორონავირუსის ბოლო 1 კვირის მაჩვენებლების საფუძველზე წერს, რომ საქართველო 100 000 მოსახლეზე ვირუსის გავრცელების შემთხვევებით მსოფლიოში პირველ ადგილზეა. ამ პერიოდში ახალი ინფიცირების საშუალო მაჩვენებელი 3 758-ია და 100 000 სულ მოსახლეზე 101 ახალ შემთხვევას გულისხმობს.

ბოლო შვიდი დღის განმავლობაში ყველაზე ცუდი მდგომარეობის ქვეყნების ათეული ასეთია: საქართველო, მენის კუნძული, ფიჯი, კუბა, ესვატინი, მალაიზია, გიბლარტარი, ბოცვანა, ირანი, კვიპროსი.

ფოტო: The New York Times

ამ მონაცემებში არ არის შესული დღევანდელი მაჩვენებლები, რომელიც წინა დღეებთან შედარებითაც კი საგანგაშოდ არის გაზრდილი. 10 აგვისტოს მონაცემებით, საქართველოში კორონავირუსის 5 697 შემთხვევა დადასტურდა, გარდაიცვალა 54 ადამიანი.