დევნილთა და განსახლების სამინიტროში აცხადებენ, რომ გიგა ოთხოზორიას ოჯახისათვის, რომელიც ზუგდიდში, ნაქირავებში ცხოვრობს, ბინის გადაცემის საკითხე მუშაობა მთავრობასთან ერთად მიმდინარეობს. როგორც უწყების პრესსამსახურში განმარტავენ, ჯერჯერობით გადაწყვეტილება მიღებული არ არის და რამდენიმე დღეში გახდება ცნობილი, თუ როგორ დაეხმარებიან დაღუპულის ოჯახს:

"გიგა ოთხოზორიას ოჯახის დახმარების შესახებ ოფიციალურ განცხადებას სოზარ სუბარი უახლოეს დღეებში გააკეთებს".

19 მაისს, დაახლოებით 14:30 საათზე, ზუგდიდის რაიონის სოფელ ხურჩაში, საოკუპაციო ხაზის მიმდებარედ, ოთხმა შეიარაღებულმა პირმა ცეცხლსასროლი იარაღით გალის რაიონის სოფელ ბარღების მკვიდრ გიგა ოთხოზორიას ჭრილობა მიაყენა, რის შედეგადაც ის გარდაიცვალა.