მეუფე ნიკოლოზს პრობლემურად არა ფარული მოსმენა, არამედ ჩანაწერების გავრცელება მიაჩნია
ახალქალაქის, კუმურდოსა და კარის მიტროპოლიტს, ნიკოლოზ ფაჩუაშვილს პრობლემურად არ მიაჩნია ის ფაქტი, რომ სახელმწიფო უსაფრთხოების სამსახური მოქალაქეებს უსმენს. მიტროპოლიტის აზრით, ფარული მოსმენა ქვეყნის უსაფრთხოებისთვის არის საჭირო და პრობლემა მხოლოდ ჩანაწერების გავრცელებაა. მეტიც, TV პირველთან საუბრისას მან განაცხადა, რომ წლებია იცის, რომ სუს უსმენს.
"დამიკავშირდნენ 2010 წელს დაახლოებით და მოსმენის მიზეზად დამისახელეს სახელმწიფო უშიშროების თუ უსაფრთხოების გაძლიერებული დაცვა. ჩემთვის თანხმობა არავის არ უთხოვია, მე, უბრალოდ, გამაფრთხილეს, რომ მისმენდნენ", — განმარტავს ნიკოლოზი On.ge-სთან ინტერვიუში.
ვინაიდან მიტროპოლიტს ათეულობით ადამიანთან, მათ შორის, მრევლთან ხშირი კონტაქტი აქვს, ვკითხეთ, იყვნენ თუ არა ინფორმირებული მისი კონტაქტები იმის შესახებ, რომ სუს უსმენდა. ამაზე ის გვპასუხობს:
"ყოველთვის, დღემდე ეგრე ვაკეთებ [ვაფრთხილებ], როგორც კი საქმე გადავა მრევლთან პირად ურთიერთობაზე. ახლა მე და თქვენ რომ ვსაუბრობთ, ეს პირადი არ არის და ამას თუ ისმენენ, მე ვთვლი რომ არაუშავს. მაგრამ როგორც კი პირად ურთიერთობაზე გადავა საქმე, ყოველთვის ვაფრთხილებდი ყველას, რომ ტელეფონი არ არის პირადი ურთიერთობისთვის ხელსაყრელი საშუალება".
დამაზუსტებელ კითხვაზე, პანდემიისას იბარებდა თუ არა მრევლისგან აღსარებას ტელეფონით, მიტროპოლიტი ამბობს, რომ ამ მეთოდს კატეგორიულად ეწინააღმდეგება და "არამარტო იმიტომ რომ გვისმენენ, თვითონ ტელეფონი მოუხერხებელია".
სინოდის წევრი ჩვენი კითხვის პასუხად ამბობს, რომ ფარულ მოსმენებზე სხვა მაღალი იერარქიის სასულიერო პირებთან საუბარი არ ჰქონია. მისივე თქმით, არც სხვა ტელეფონი გამოუყენებია პირადი საუბრებისთვის.
მეუფე ნიკოლოზის აზრით, სისტემა ისე უნდა იყოს მოწყობილი, რომ ფარული ჩანაწერები არსებობდეს, მაგრამ მკაცრად ინახებოდეს და სახელმწიფოს გარდა წვდომა არავის ჰქონდეს.
"მე მიმაჩნია პრობლემად არა ის, რომ სახელმწიფო უსმენს მოქალაქეებს, არამედ ის, რომ ეს ინფორმაცია ჟონავს. მე ასე მიმაჩნია, რომ სახელმწიფო უსაფრთხოებიდან გამომდინარე, ჩვენ არავინ არ შეგვეკითხება. ისე განვითარდა ტექნიკა, რომ დღეს შესაძლებელია დედამიწაზე ყველა ადამიანის, ყველა სატელეფონო საუბრის მოსმენა და ჩანაწერის შენახვა, ტექნიკაა ასე განვითარებული.
ამას თუ ჩვენი სახელმწიფო უწყება არ გააკეთებს, მაშინ ძალიან ჩამორჩება ჩვენი ქვეყნის უსაფრთხოების დაცვაში. მაგრამ ეს ისე უნდა იყოს გაკეთებული, რომ არასდროს არანაირი სახით ამან არ უნდა გაჟონოს. ეს მხოლოდ სანქცირებულად უნდა იყოს — როდესაც სასამართლო გადაწყვეტს, რომ ამოიღოს ესა თუ ის ჩანაწერი, მხოლოდ მაშინ უნდა შეიძლებოდეს ამის გაკეთება. მოსმენა არ მიმაჩნია პრობლემად, პრობლემად მიმაჩნია ამის გავრცელება, არასწორი გამოყენება, რაც ხდება, სამწუხაროდ", — აცხადებს ის.
მიტროპოლიტის თქმით, არ უნახავს მთავარი არხის მიერ გასაჯაროებული ჩანაწერები, თუმცა მისი აზრით, გასაჯაროება მიანიშნებს იმაზე, რომ სახელმწიფო უსაფრთხოების სამსახური კარგად არ მუშობს.
"მე არ მინახავს რა გამოაქვეყნა მთავარმა არხმა პირდაპირ ეთერში, მაგრამ თუ მთავარმა არხმა გამოაქვეყნა რაიმე ასეთი სახის დოკუმენტები, ეს ნიშნავს, რომ სუს-ი კარგად არ მუშაობს, ეს ნიშნავს, რომ სუს-იდან ეს ჩანაწერები ჟონავს და ეს არის სუს-ის ყველაზე დიდი დანაშაული", — ამბობს ის.
მთავარი არხის დირექტორმა ნიკა გვარამიამ განაცხადა, რომ მოიპოვა სახელმწიფო უსაფრთხოების სამსახურის დოკუმენტები, სადაც პოლიტიკოსებზე, სასულიერო პირებზე, ჟურნალისტებზე, ბიზნესმენებზე, საჯარო მოხელეებზე თვალთვალია ასახული. სავარაუდოდ, სუს-ის ჩანაწერებიდან, ირკვევა, რომ უწყებაში აქვთ ინფორმაცია ხსნებული საზოგადოებაში აქტიური პირების სექსუალური ორიენტაციის, პირადი ცხოვრების, სექსუალური პარტნიორების შესახებ და ეს ყველაფერი აღწერილია უწყების დოკუმენტში. ისევე, როგორც ჟურნალისტების სატელეფონო ზარები სხვადასხვა უწყებების პრესსამსახურებთან. გვარამია ამბობს, რომ ეს ჩანაწერები ქართული ოცნების დამფუძნებლის, ბიძინა ივანიშვილისთვის კეთდება და პროცესში სუს-ის უფროსები არიან ჩართული.
გაიგე მეტი:
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
კომენტარები