ნიუ-იორკში რესტორნებში, გასართობ და ფიტნესცენტრებში შესვლას მხოლოდ ვაქცინირებული პირები შეძლებენ — ეს წესი ეხებათ როგორც დასაქმებულებს, ისე სტუმრებს.

ქალაქის მერის, ბილ დე ბლაზიოს განცხადებით, 16 აგვისტოდან მიიღებენ ზომებს, რომლის მიხედვითაც დაწესებულებაში შესვლისას ხალხი ვალდებულები იქნება თუნდაც ერთჯერადი ვაქცინაციის საბუთი წარადგინოს.

როგორც ბლაზიო ამბობს, ეს შეზღუდვა აუცილებელია იმისთვის, რომ ქვეყანაში გავრცელებულ დელტა შტამს ებრძოლონ. ნიუ-იორკი აშშ-ს პირველი დიდი ქალაქია, სადაც მსგავსი ზომები ამოქმედდება.