ესტონეთის ყოფილმა პრეზიდენტმა, ტოომას ჰენდრიკ ილვესმა ამერიკის ხმასთან ინტერვიუში განაცხადა, რომ საქართველოს მთავრობა ბევრს საუბრობს NATO-სა და ევროკავშირში გაწევრიანებაზე, თუმცა ისე იქცევა, რომ ეს არ მოხდეს. ილვესმა ეს განცხადება ევროპული მიშელის დოკუმენტის ანულირებაზე საუბრისას გააკეთა.

"ვფიქრობ, პრობლემის სათავე იმაშია, რომ აცხადებ, გსურს ტრანსატლანტიკურ და ევროპულ სტრუქტურებში გაწევრიანება და შემდეგ უარს ამბობ შეთანხმებაზე, რომელიც ევროპული საბჭოს შუამავლობით დაიდო. ეს შენს სანდოობას არაფერს მატებს - ძალიან მსუბუქად რომ ვთქვა. მე ის მაწუხებს, რომ იკვეთება უფრო დიდი ტენდენცია. მიუხედავად იმისა, რომ მთავრობა უწყვეტად საუბრობს ევროკავშირსა და ნატოში გაწევრიანებაზე, მეორეს მხრივ ისე იქცევა, რომ ამ კავშირებში გაწევრიანება არ მოხდება [...]

ისეთ გარემოში, სადაც ევროკავშირისა და ნატოს მხრიდან ახალი წევრების მიღების მიმართ მადა ფაქტობრივად არ არსებობს, საქართველოს მთავრობა თითქოს სტაბილურად ცდილობს გააქროს ნატოსა და ევროკავშირში გაწევრიანების საკუთარი შანსები", — განაცხადა ილვესმა.

ილვესის თქმით, თავის მოტყუებაა იმაზე ფიქრი, რომ შეთანხმების გაუქმება საქართველოს მიმართ დამოკიდებულებას არ შეცვლის. ის ამბობს, რომ ევროპაში ბევრი ადამიანია, რომელსაც არ სურს NATO-ს გაფართოება და მსგავსი ფაქტები მათ არგუმენტებს უმყარებს. ესტონეთის ყოფილი პრეზიდენტი ამბობს, რომ ასეთ შეთხვევაში ესტონეთსაც კი, რომელიც საქართველოს ერთ-ერთი მტკიცე მხარდამჭერია, მათთვის არაფრის თქმა შეუძლია.

გაიგე მეტი: