NATO-ს გენერალურ მდივნად ესტონეთის პრეზიდენტი, კერსტი კალიულაიდი, ლიეტუვის ყოფილი პრეზიდენტი, დალია გრიბაუსკაიტე ან ხორვატიის ყოფილი პრეზიდენტი, კოლინდა გრაბარ-კიტაროვიჩი განიხილებიან. ამის შესახებ ინფორმაციას გამოცემა politico ავრცელებს.

მედიის ცნობით, დიპოლმატები და ანალიტიკოსები უკვე მსჯელობენ, რომ დროა, 72 წლის შემდეგ ალიანსმა თანამდებობაზე პირველი ქალი მმართველი დანიშნოს. ამასთან, საუბრობენ იმაზეც, რომ ამ პოზიციაზე აღმოსავლეთ ევროპელის დანიშვნა მნიშნელოვანი გზავნილი იქნება მოსკოვისთვის.

ამჟამად NATO-ს გენერალური მდივნის პოზიციას იენს სტოლტენბერგი იკავებს. თანამდებობა მან 2014 წელს დაიკავა და ვადა 2022 წელს ეწურება. მისი შემცვლელი, სავარაუდოდ, მომავალ წელს NATO-ს სამიტზე მადრიდში დასახელდება.