ბრიტანელი პოპ ვარსკვლავის ჯორჯ მაიკლის გარდაცვალების მიზეზებზე, ექსპერტიზის დასკვნას, მისი მენეჯერი ავრცელებს. როგორც BBC წერს, მომღერლის სიკვდილის მიზეზი გულისა და ღვიძლის დაავადებები იყო. მათივე ცნობით, ვინაიდან იგი ბუნებრივი სიკვდილით გარდაიცვალა, გამოძიება აღარ გაგრძელდება.

ლეგენდარული მუსიკოსი ჯორჯ მაიკლი 53 წლის ასაკში, საკუთარ სახლში, მშვიდ ვითარებაში გარდაიცვალა.

გრემის ორგზის გამარჯვებულმა ინგლისელმა მუსიკოსმა სახელი დუეტ Wham!-ში სიმღერით გაითქვა, შემდეგ კი არანაკლებ წარმატებული სოლო კარიერა ჰქონდა, რომლის დროსაც ჯორჯ მაიკლმა 110 მილიონი ჩანაწერი გაყიდა. მისი 1987 წლის სადებიუტო ალბომი Faith ყველა დროის ერთ-ერთ გაყიდვად დისკად იქცა.