პრეზიდენტის პრეს-სპიკერმა ეკა მიშველაძემ მედიაომბუდსმენის შესახებ, გიორგი მარგველაშვილის პოზიციაზე ისაუბრა.

მისი თქმით, პრეზიდენტი ნაწილობრივ მხარს უჭერს მედიაომბუდსმენის შექმნას, თუმცა, ამ შემთხვევაში, რიგი ფაქტორებია გასათვალისწინებელი:

"როდესაც ასე აქტიურად გვიწევს საუბარი მედიის და ჟურნალისტების უფლებებზე, კარგი იქნება დაცვის მყარი მექანიზმის შემუშავება, თუნდაც მედიაომბუდსმენის სახით. თუმცა გასათვალისწინებელია ორი ფაქტორი - მედიაომბუდსმენის შერჩევისა და დანიშვნის პროცესში მთლიანად უნდა გამოირიცხოს ხელისუფლების ნებისმიერი შტოს მონაწილეობა და მნიშვნელოვანია, რომ პროცესი იყოს კოორდინაციაში სახალხო დამცველთან".