მედიის განვითარების ფონდის გამგეობის თავმჯდომარე, თამარ ხორბალაძე მიიჩნევს, რომ საქართველოს პრემიერ-მინისტრის, გიორგი კვირიკაშვილის პრემიერის ინიციატივა, მედია-ომბუდსმენის ინსტიტუტის შექმნის შესახებ, ხელისუფლების მხრიდან მედიაში არსებული პრობლემების აღიარებას ნიშნავს. თუმცა, მისი თქმით, ახალი ინსტიტუტის შემქნა დღეს მედიაში არსებულ პრობლემებს არ პასუხობს და სიტუაციას არ განმუხტავს.

"მსგავსი ინსტიტუტების შექმნის ინიციატივა მედიის წარმომადგენლების მხრიდან უნდა მოდიოდეს და არა ხელისუფლებისაგან. როცა სახელმწიფო მსგავსი ინიციატივით გამოდის, ეს ყოველთვის კითხვის ნიშნების შემცველია," - აღნიშნა ხორბალაძემ On.ge-სთან საუბრისას.

მისი თქმით, მაშინ, როცა ტელეკომპანია რუსთავი 2-ის საქმე სტრასბურგის სასამართლოშია, ხელისუფლებამ არ უნდა სცადოს ყურადღების სხვა საკითხებზე გადატანა.

დღეს საქართველოს პრემიერ-მინისტრი, გიორგი კვირიკაშვილი მედიაკოალიციის წარმომადგენელებს შეხვდა და მათ მედია-ობუდსმენის ინსტიტუტის შექმნაზე ესაუბრა.