დღეს, პრემიერმინისტრმა გიორგი კვირიკაშვილმა კოალიცია მედია ადვოკატირებისთვის წევრ ორგანიზაციებთან შეხვედრისას განაცხადა, რომ შეიქმნება მედიაომბუდსმენის ინსტიტუტი, სადაც მოიწვევენ მსოფლიოში ყველაზე მაღალი რეპუტაციის მქონე მედიის უფლებადამცველებს.

პრემიერმა საჯაროდ მოიწვია სათანამშრომლოდ საერთაშორისო დონის მედია ექსპერტები. მისივე განცხადებით, ამ ინსტიტუტმა მუდმივად უნდა აწარმოოს მონიტორინგი მედიაგარემოზე, მათ შორის, როგორც რუსთავი 2-ში, ასევე საზოგადოებრივ მაუწყებელში მიმდინარე პროცესებზე:

"ჩვენ, პატივს ვცემთ ევროპული ინსტიტუტების გადაწყვეტილებებს, რეკომენდაციებს და მოსაზრებებს, რომელთან განსაკუთრებული წვლილი შეაქვთ ჩვენი ქვეყნის დემოკრატიულ განვითარებაში. ამ დამოკიდებულებით ვეკიდებით ადამიანის უფლებათა ევროპული სასამართლოს რუსთავი 2-ის საქმესთან მიღებულ გადაწყვეტილებას, დროებითი ზომის გამოყენების თაობაზე".

მისივე თქმით, ხელისუფლების ინტერესშია, დაცული იყოს სიტყვისა და გამოხატვის თავისუფლება და მედიაპლურალიზმი.