დღეს, 24 მაისს, საქართველოს ევროკავშირში უვიზოდ მიმოსვლის საკითხს ევროკავშირის საბჭოს სხდომაზე განიხილავენ.

საქართველოს საგარეო საქმეთა მინისტრის, მიხეილ ჯანელიძის განმარტებით, ევროკომისარ იოჰანეს ჰანთან საქართველოს დელეგაციამ საქართველოსა და ევროკავშირს შორის ურთიერთობა და შემდგომი ნაბიჯები განიხილეს. მისი თქმით, პირველ რიგში ხაზი ასოცირების ხელშეკრულების ძალაში შესვლის მნიშვნელობას გაუსვეს:

"ეს პროცესი საქართველოსთვის ძალიან მალე დასრულდა, რაც კიდევ ერთი პოლიტიკური, რაც საქართველოს კიდევ ერთი მხარდაჭერაა ევროკავშირისა და მისი წევრი ქვეყნების მხრიდან. ჩვენ ვისაუბრეთ ვიზალიბერალიზაციაზე და იმ პოზიტიურ ატმოსფეროზე, რომელიც აღმოსავლეთ პარტნიორობის მინისტერიალის ფარგლებში იყო საქართველოსთან მიმართებაში".

გუშინ, 23 მაისს, ევროკავშირმა საქართველოსთან ასოცირების შეთანხმების რატიფიცირების პროცედურა დაასრულა, რომელიც ძალაში ივლისიდან შევა.

საგარეო საქმეთა სამინისტროს ცნობით, 1 ივლისიდან საქართველოსა და ევროკავშირს შორის არსებული პარტნიორობისა და თანამშრომლობის შეთანხმება საბოლოოდ დაკარგავს ძალას და ჩანაცვლდება ასოცირების შეთანხმებით, რაც საქართველო ევროკავშირთან ურთიერთობების სრულიად ახალ ეტაპზე გადასვლას ნიშნავს.

ევროკავშირმა საქართველოსთან ასოცირების შეთანხმების რატიფიცირება დაასრულა