ცოტა ხნის წინ პიქსარის ახალი ანიმაცია Luca (ლუკა) გამოვიდა, რომლის ნახვაც პირველი ივლისიდან საქართველოს კინოთეატრებშიც შეგიძლიათ: იტალიის ზღვისპირა ქალაქში განვითარებულ ამ ჯადოსნურ ზღაპარს დიდ ეკრანზე თუ ნახავთ, მის ერთ-ერთ პერსონაჟად იგრძნობთ თავს.

ამ ახალმა მულტფილმა უკვე დაიმსახურა როგორც მაყურებლების, ისე კრიტიკოსების დადებითი შეფასებები, განსაკუთრებული შთაბეჭდილება კი ამბის მთავარი გმირების — ლუკას და ალბერტოს მეგობრობის ისტორიამ მოახდინა.

პიქსარის ანიმაციები მთელ მსოფლიოში კარგად ცნობილია და ლუკამ ბევრს ამ სტუდიის მიერ მოთხრობილი მეგობრობის სხვა დაუვიწყარი ისტორიებიც გაახსენა.

10. რემი და ალფრედო ანიმაციიდან რატატუი (Ratatouille)

თავიდან ისინი პროფესიული პარტნიორების შთაბეჭდილებას უფრო ტოვებენ, ვიდრე — მეგობრებისას და ერთმანეთისგანაც ძალიან განსხვავდებიან, მაგრამ მალევე ისინი კარგი მეგობრები ხდებიან და საერთო საქმესაც ერთად უკეთ ართმევენ თავს.

9. კარლი და რასელი ანიმაციიდან მაღლა (Up)

ამ ორი პერსონაჟის ურთიერთობა იმის საუკეთესო მაგალითია, რომ მეგობრობაში ასაკობრივი სხვაობა მეორეხარისხოვანია.

8. სუპერ მამა და ყინულის კაცი ანიმაციიდან სუპერ ოჯახი (The Incredibles)

მართალია, ეს მულტფილმი ძირითადად ოჯახზეა კონცენტრირებული, მაგრამ სიუჟეტში საკმაოდ მნიშვნელოვან ადგილს იკავებს ამ ორი პერსონაჟის მეგობრობაც: მათ ყოველთვის აქვთ ერთმანეთის იმედი.

7. მაკქუინი და მეტერი ანიმაციიდან მანქანები (Cars)

მათი მეგობრობა საოცარი იუმორით, თავგადასავლებითა და შესაშური ერთგულებითაა სავსე.

6. სიხარული და სევდა ანიმაციიდან თავდაყირა (Inside Out)

რადიკალურად განსხვავებული ეს პერსონაჟები ახერხებენ, რომ ერთმანეთისგან ბევრი რამ ისწავლონ და უკეთ დააფასონ თავიანთი უნიკალურობა.

5. უოლი და ჰალი ანიმაციიდან უოლი (Wall-E)

ეს მეგობრობის ერთ-ერთი ყველაზე სევდიანი ისტორიაა.

4. მარლინი და დორი ანიმაციიდან ნემოს ძიებაში (Finding Nemo)

მარლინისა და დორის მეგობრობა კომიკური სიტუაციებითაა სავსე, თუმცა რთული გზის ერთად გავლით მოახერხეს, რომ ერთმანეთის ცხოვრებაში მნიშვნელოვანი ცვლილებების თანამონაწილეები გამხდარიყვნენ.

3. ლუკა და ალბერტო ანიმაციიდან ლუკა (Luca)

მართალია, ეს ჯერ სულ ახალი მულტფილმია, მაგრამ მთავარი გმირების უნიკალურმა ისტორიამ უკვე მოახერხა, რომ ყველას გული მოეგო.

2. ვუდი და ბაზი ანიმაციიდან სათამაშოების ისტორია (Toy Story)

მათი ურთიერთობა უბრალოდ კლასიკად იქცა.

1. მაიკი და სალი ანიმაციიდან მონსტრების კორპორაცია (Monsters, Inc.)

ვინ იფიქრებდა, რომ ერთი შეხედვით საზარელი მონსტრები ყველაზე მხიარული მეგობრები აღმოჩნდებოდნენ?! თუმცა მაიკისა და სალის მეგობრობა იმასაც კარგად გვაჩვენებს, რომ საუკეთესო მეგობარი მხოლოდ ის კი არ არის, ვისთანაც ყველაზე მხიარულ დროს ატარებ, არამედ ის, ვისი იმედიც ყველაზე საჭირო დროს გაქვს.