ხვალიდან თბილისის მოსახლეობისთვის ელექტროენერგიის მიმწოდებელი კომპანია იცვლება, აბონენტებს თელასის ნაცვლად კომპანია თელმიკო მოემსახურება.

იმისათვის, რომ მომხმარებლებს ეს ცვლილება გაუმარტივდეთ, თიბისის ინტერნეტ და მობაილბანკის სისტემაში ახალი სერვისი დაემატა — თელმიკოს ელ. ენერგია. მათ ამ ახალ სერვისზე ელექტროენერგიის გადახდის შაბლონები, იგივე აბონენტის ნომრით ავტომატურად გამოუჩნდებათ მობაილ და ინტერნეტბანკის კომუნალური გადახდებში.

მომხმარებლებმა 1-ლ ივლისამდე დარიცხული დავალიანება თელასის სერვისის გამოყენებით უნდა დაფარონ, ხოლო 1 ივლისიდან ელექტროენერგიის საფასურის აღნიშნული ახალი სერვისის საშუალებით უნდა გადაიხადონ.

ხოლო მათ, ვისაც ელექტროენერგიის დავალიანების დაფარვა ავტომატურ გადარიცხვებში ჰქონდა დამატებული, თელმიკოს ელ. ენერგიის გადახდის დავალება ახლიდან უნდა შექმნან არსებული აბონენტის ნომრით.

თელასის ყველა მომხმარებელი ავტომატურად ხდება თელმიკოს აბონენტი. ელექტრომიმწოდებელი კომპანიის ცვლილება არ აისახება ელექტროენერგიის ტარიფზე. კომპანია თელმიკოსთან დაკავშირება შესაძლებელია შემდეგ ნომერზე: +995 32 5 000 777.