საფრანგეთის საელჩო საქართველოში, ტელეკომპანია რუსთავი 2-ის საქმეზე, უზენაესი სასამართლოს გუშინდელ გადაწყვეტილებას ეხმაურება.

განცხადებაში ნათქვამია, რომ საფრანგეთი ყურადღებით აკვირდება რუსთავი 2-ის გარშემო განვითარებულ მოვლენებს, რომელიც საქართველოს მთავარ ოპოზიციურ მედიასაშუალებას წარმოადგენს.

საფრანგეთი კვლავ ადასტურებს თავის ერთგულებას პრესის თავისუფლების პატივისცემისადმი, რომელიც დემოკრატიული საზოგადოების განვითარებას უწყობს ხელს.

აშშ-ის საელჩომ გუშინვე მოუწოდა მთავრობას, მიიღოს ზომები, რათა უზრუნველყოს, რომ მედია გარემო დარჩეს თავისუფალი, ღია და პლურალისტური. ევროკავშირის წარმომადგენლობამ საქართველოში განცხადება გაავრცელა, სადაც ნათქვამია, რომ ისინი ყურადღებით შეისწავლიან უზენაესი სასამართლოს მიერ მიღებულ გადაწყვეტილებასა და მის შედეგებს.