ოზურგეთის რაიონულმა სასამართლოს მოსამართლემ პოლიციელებზე თავდასხმაში ბრალდებულ 13 პირს აღკვეთის ღონისძიების სახით პატიმრობა შეუფარდა.

"სასამართლო მიიჩნევს, რომ არსებობს ბრალდებულების როგორც მიმალვის, ისე მათი მხრიდან დანაშაულებრივი ქმედების ჩადენის რისკები. ამგვარი დასკვნის საფუძველს სასამართლოს აძლევს ჩადენილი დანაშაულის სიმძიმე და ხასიათი", — განაცხადა მოსამართლე ია ბარამიძემ.

შემდეგი სხდომა 11 აგვისტოსაა ჩანიშნული. დაცვის მხარის ადვოკატები მოსამართლის გადაწყვეტილებას არ ეთანხმებიან და აპირებენ გაასაჩივრონ ზემდგომ ინსტანციებში.

შინაგან საქმეთა სამინისტომ პოლიციელებზე თავდასხმის ბრალდებით 13 ადამიანი დაბა ურეკში 25 ივნისს დააკავა.

გაიგე მეტი: