იუსტიციის უმაღლესი საბჭოს თავმჯდომარის, ნინო ქადაგიძის თქმით, ის საკუთარ თავზე იღებს პასუხისმგებლობას, რომ ყველაფერს გააკეთებს სასამართლოს დამოუკიდებლობისთვის.

"ხდება საზოგადოების ფსიქოლოგიური მობილიზაცია სასამართლოს წინააღმდეგ, ხდება მოსამართლეების დემონიზაცია ფაქტობრივად და ეს გადის თითოეული ინდივიდუალური მოსამართლის ღირსებაზე იმ პირობებში, როდესაც თქვენ ხედავთ, ალბათ, იმედი მაქვს ყოველ შემთხვევაში, ბოლო კვლევებმა ასე აჩვენა, რომ საზოგადოების გარკვეულად დიდი ნაწილი ენდობა სასამართლოს. სასამართლოს აქვს სერიოზული პროგრესი, სერიოზული მიღწევები და მე მინდა, უბრალოდ, საზოგადოება დავარწმუნო და პირადად ჩემს თავზე ვიღებ ამ პასუხისმგებლობას, რომ ყველაფერს გავაკეთებ იმისთვის, რომ სასამართლო იყოს დამოუკიდებელი", — აცხადებს ქადაგიძე.

დღეს, 27 ივნისს იუსტიციის უმაღლეს სკოლაში მოსამართლეთა შეხვედრა გაიმართა.