სტრატეგია აღმაშენებლის ლიდერი, გიორგი ვაშაძე მიმართავს უზენაესი სასამართლოს მოსამართლეობის კანდიდატებს და მოუწოდებს ჩამოშორდნენ პროცესს.

"უზენაესი სასამართლოს მოსამართლეობაზე ვინც წარმოადგინეს, მივმართავ — თუ თქვენ იოტისოდენა ნამუსი შეგრჩენიათ, — იმ მოსამართლეებს, ვინც ახლა პარლამენტში წარმოადგინეს — თქვენ თვითონ დაწერეთ განცხადება და ჩამოშორდით აი ამ შერჩევის პროცესს. თუ არა და თქვენ თქვენი იურიდიული თუ სამართლებრივი მოღვაწეობის პერიდოში ისეთ დამღას შეიძენთ ამ კონკურსში მონაწილეობით, ისეთ დამღას მიიღებთ, რომელსაც ვერ ჩამოირეცხავთ ვერასდროს თქვენი ცხოვრების მანძილზე.

ყველამ კარგად იცის, რომ ეს ადამიანები შერჩეულები არიან მხოლოდ კლანის სურვილებიდან გამომდინარე", — განაცხადა ვაშაძემ TV პირველის ეთერში.

17 ივნისს იუსტიციის უმაღლესმა საბჭომ პარლამენტს უზენაესი სასამართლოს მოსამართლეობის 9 კანდიდატი წარუდგინა. ესენი არიან: გიორგი გოგიაშვილი, გოჩა აბუსერიძე, ლევან თევზაძე, ქეთევან მესხიშვილი, გიორგი შავლიაშვილი, რევაზ ნადარაია, ბიძინა სტურუა, ეკა ზარნაძე და ლაშა გოჩიაშვილი.

გაიგე მეტი: