გირჩის ერთ-ერთი ლიდერის, იაგო ხვიჩიას თქმით, აინტერესებს გაიგოს პრემიერმინისტრისგან ქვეყანას ეშველება თუ არა რამე.

"არ ვიცი, ჩემი კოლეგები როგორ არიან განწყობილი, მე ზოგადად მაინტერესებს ის, რომ პრემიერმინისტრისგან გავიგო, გვეშველება რამე თუ არა, როგორ წარმოუდგენია მას ქვეყნის უახლოესი განვითარება და მომავალი. კითხვები მექნება ამ თემის გარშემო. მე არ მინდა, ჩემი კითხვები იყოს კითხვა კითხვისთვის და რიტორიკული. ვფიქრობ, უნდა მოვძებნოთ ადეკვატური ფორმა რაღაც ინფორმაციის გასაგებად , თუ ამ ინფორმაციის გაგება შესაძლებელია პრემიერმინისტრისგან", — ამბობს ხვიჩია.

დღეს, 25 ივნისს პარლამენტში პრემიერმინისტრის, ირაკლი ღარიბაშვილის მოსმენა გაიმართება.