ტელეკომპანია რუსთავი 2-ის ახალი მფლობელი, ქიბარ ხალვაში ამბობს, რომ არ ჰგონია მას, რომ ტელეკომპანიის თანამშრომლები მათთან ურთიერთობით უკმაყოფილოები დარჩნენ. მისი თქმით, თუ არხის თანამშრომლებს სურვილი ექმნებათ ხვალვე მივა და შეხვდება. ამის შესახებ ხალვაშმა საზოგადოებრივი მაუწყებლის ეთერში განაცხადა.

"როდესაც ამის შესაძლებლობა იქნება, მივალ ტელევიზიაში. როდესაც მხარეები არ იქნებიან აღელვებული, როდესაც სიტუაცია დაწყნარდება, შევეცდებით მოლაპარაკებით მოხდეს ყველაფერი. ხალხს გავაგებინებთ, რომ ამით უკეთესობისკენ შეიცვლება ყველაფერი," - აღნიშნა ხალვაშმა.

მისივე თქმით, ტელეკომპანიის თანამშრომლები სამსახურს არ დაკარგავენ და შეეცდებიან შევეცდებით ყველა მხარე კმაყოფილი იყოს.

უზენაესი სასამართლოს გადაწყვეტილება დაახლოებით ერთი საათის წინ გახდა ცნობილი. სასამართლომ რუსთავი 2 ქიბარ ხალვაშსა და მის კომპანიას მიაკუთვნა.