დანიელი ფეხბურთელი, კრისტიან ერიქსენი კლინიკიდან პირველ ფოტოს აქვეყნებს და ყურადღებისთვის და გულისხმიერებისთვის ყველას მადლობას უხდის.

"სხვადასხვა გარემოების გათვალისწინებით, კარგად ვარ. გამოკვლევებს ვაგრძელებ, მაგრამ კარგად ვარ. ახლა დანიის გუნდის ბიჭები უნდა გავამხნევო", — წერს ის ინსტაგრამ პოსტში.

ერიქსენი EURO 2020-ზე დანია-ფინეთის მატჩის დროს შეუძლოდ გახდა და დაეცა. ნახევარმცველს საფეხბურთო მოედანზე ექიმები არაპირდაპირ გულის მასაჟს და ხელოვნური სუნთქვას 13 წუთის განმავლობაში უტარებდნენ.

დანიელი ექიმის თქმით, ერიქსენს გული გაუჩერდა და ადგილზე მყოფი სამედიცინო დახმარების სწრაფმა რეაგირებამ გადაარჩინა. ის დასძენს, რომ ფეხბურთელს კორონავირუსი არ გადაუტანია და ჯერ არც ვაქცინის დოზა მიუღია. BBC-მ პირდაპირ ეთერში მისი კადრების გადაცემის გამო ბოდიში მოიხადა.