ბათუმისა და ლაზეთის ეპარქია განცხადებას ავრცელებს, რომლშიც წერია, რომ დეკანოზ გიორგი მამალაძის დაკავების საქმეზე, გამოძიების დასრულებამდე საჯარო განცხადებებს არ აკეთებენ. ეპარქია დუმილს საქართველოს მართლმადიდებლური ეკლესიის პატრიარქის, ილია მეორის ლოცვა-კურთხევით ხსნის.

განცხადებაში, რომელიც 1 მარტით თარიღდება, ვკითხულობთ:

"საქართველოს მართლმადიდებელ ეკლესიაში ბოლო დროს განვითარებულ მოვლენებთან დაკავშირებით გვსურს კიდევ ერთხელ განვაცხადოთ, რომ გაოგნებული ვართ მომხდარი ფაქტის გამო, ბრალის დამტკიცების შემთხვევაში ეს იქნება უმძიმესი ტრაგედია თითოეული ჩვენთაგანისათვის...

მოგიწოდებთ ყველას თავი შეიკავოთ სხვადასხვა ვერსიების გავრცელებისაგან."

ამავე განცხადებაში, ეპარქია აღნიშნავს, რომ ენდობიან გამოძიებას.

ბათუმისა და ლაზეთის მიტროპოლიტი დიმიტრი დეკანოზ გიორგი მამალაძის ოჯახს დღეს შეხვდა. შეხვედრის შემდეგ დეკანოზის დედა აღნიშნავდა, რომ მიტროპოლიტს "აღსარების დონეზე ესაუბრა".